Grbiçi ‘hakmerret’ për Serbinë: Polonia mposht Slloveninë 3:0 dhe shkon në finalen e Evropianit të volejbollit

Polonia e volejbollit, e drejtuar nga trajneri serb Nikola Grbiç, u kualifikua në finalen e Kampionatit Evropian, pasi mposhti Slloveninë me rezultat të pastër 3:0 në gjysmëfinalen e luajtur në “Unipol Forum” të Milanos.

Polakët dominuan takimin nga fillimi në fund, duke i fituar setet me rezultatet 25:23, 25:23 dhe 25:18, pa i dhënë asnjë shans kundërshtarit slloven.

Me këtë fitore, Polonia do të mbrojë titullin e fituar në kampionatin e mëparshëm evropian, duke konfirmuar edhe një herë statusin e favoritit kryesor të turneut.

Finalja e madhe luhet të shtunën, ku Polonia do të përballet me fituesin e gjysmëfinales tjetër, duelit mes Francës dhe Finlandës.

Për Grbiçin, një nga trajnerët serbë më të suksesshëm në volejbollin botëror, kjo është një tjetër arritje e madhe në krye të kombëtares polake.

Burimi: Danas