Grbiqi mëson rivalin në gjysmëfinale të Evropianit: Polonia sfidon Slloveninë për finalen

Sllovenia është kualifikuar në gjysmëfinalen e Kampionatit Evropian të volejbollit për meshkuj, pasi mposhti 3:0 Belgjikën në çerekfinalen e luajtur të mërkurën në mbrëmje. Sllovenët i fituan setet me rezultatet 25:18, 25:19 dhe 25:23, duke mos i dhënë asnjë shans kundërshtarit belg.

Në gjysmëfinale, Sllovenia do të përballet me Poloninë, e cila drejtohet nga trajneri serb Nikola Grbiq. Fituesi i kësaj përballjeje siguron një vend në finalen e madhe të Evropianit, ndërsa i munduri do të luajë për medaljen e bronztë.

Rruga e Sllovenisë drejt gjysmëfinales kaloi pikërisht përmes Serbisë, të cilën e eliminoi më herët në këtë turne. Ndërsa Grbiqi, legjendë e volejbollit serb si lojtar, prej vitesh qëndron në krye të pankinës polake dhe e ka kthyer Poloninë në një nga kombëtaret më të forta në botë.

Në gjysmëfinalen tjetër të Evropianit do të përballen Italia dhe Çekia, ndërsa ndeshjet vendimtare të turneut pritet të zhvillohen në fundjavë.

Burimi: Dnevnik.rs