Haga liron Vojslav Sheshel nga akuzat për krime lufte

Ultranacionalisti serb Vojslav Sheshel është liruar nga të gjitha akuzat për krime lufte dhe krime kundër njerëzimit në Ballkan, gjatë luftërave të viteve ’90.

Gjykata për Krime Lufte në Hagë thotë se ai nuk mbante asnjë përgjegjësi individuale për të gjitha akuzat. Vetë Sheshel më herët i ka mohuar të gjitha akuzat.

Në 2014, gjykata e lejoi të shkonte në Beograd pasi u diagnostikua me kancer. Vetë 61-vjeçari nuk ka qënë i pranishëm në gjykatë, dhe ka refuzuar kërkesën e tribunalit për të ndjekur gjyqin me videolink.

Vojslav Sheshel ka marr pjesë në protestat antiqeveritare në zgjedhjet parlamentare serbe. Sheshel ka qënë krahu i djathtë i ish presidentit serb Slobodan Milosevic, dhe ka qënë zv.kryeministër nga 1998 deri në 2000. Ai u dorëzua vullnetarisht në gjykatën e Hagës në 2003, dhe kur gjykata i caktoi një mbrojtës kundër dëshirës së tij, ai bëri grevë urie.

Javën e kaluar ish lideri serbo-boshnjak Radovan Karaxhiç u dënua me 40 vjet burg për genocid dhe krime lufte në Bosnjë.