Harry Kane bën kapitenin dhe vendos paqen mes Bellingham dhe Tuchel: Më të bashkuar se kurrë

Sulmuesi Harry Kane ka minimizuar shqetësimet në lidhje me mosmarrëveshjen mes mesfushorit Jude Bellingham dhe trajnerit Thomas Tuchel. Polemika që lindën në lidhje me faktin nëse Anglia luajti mirë kundër Norvegjisë apo jo.

Trajneri i Anglisë pranoi se nuk ishte i kënaqur me fitoren, por Bellingham u kundërpërgjigj ashpër. Duke folur për “BBC Sport”, Kane iu drejtua thënieve pas ndeshjes, duke vendosur paqe mes palëve.

“Kur luan një ndeshje të tillë dhe të bëhet një pyetje pesë minuta pas fishkëllimës së fundit, dhe ai nuk e dinte vërtet se çfarë ishte thënë, çfarë do që Jude të thoshte?“, deklaroi kapiteni i Anglisë.

Më tej, Harry Kane shtoi: “Ne sapo kishim kaluar një betejë. Është e lehtë të përpiqesh të krijosh këtë ndarje, duket si një gjë angleze për të bërë në këto turne të mëdha. Por është krejtësisht e kundërta”.

“Grupi është aty ku jemi për shkak të bashkimit tonë të plotë, jo vetëm lojtarëve, trajnerit dhe stafit. Gjërat ndonjëherë zmadhohen më shumë sesa janë. Tuchel e mban zemrën hapur dhe njerëzit e vlerësojnë këtë”, deklaroi Kane.

“Kjo është ajo që e bën atë që është. Kur të bëhet e natyrshme, ti beson në këtë, ti beson në atë që ai thotë, ti beson në qasjen e tij. Ai është një nga menaxherët më të mirë në botë për një arsye. Ne e kuptojmë këtë. Gjatë dy viteve të fundit ne e kemi njohur atë dhe e dimë se çfarë e bën të lumtur“, deklaroi Kane.