Haxhinasto pret ambasadorin maqedonas: Standard i përbashkët për “Rrugën e Arbrit

Ministri i Transportit dhe Infrastruktës Edmond Haxhinasto ka pritur në një takim Ambasadorin e Maqedonisë në Shqipëri Stojan Karajanov. Në takim u fol për një koordinim më të mirë mes dy vendeve, për projektet e infrastrukturës.

Ministri Haxhinasto dhe Ambasadori Karajanov, diskutuan për vendosjen e një standardi të përbashkët për “Rrugën e Arbrit” mes dy vendeve. Pikë tjetër e diskutimit ishte për lidhjen hekurudhore mes dy vendeve, si dhe për gjallërimin e shërbimit hekurudhor midis Portit të Durrësit dhe kufirit me Maqedoninë.

Në takim u fol për të vijuar mbajtjen gjallë të procesit të Berlinit dhe koordinimit midis vendeve të rajonit, për realizimin e projekteve të rrjetit kryesor.