Haxhiu: Vendimi i Kushtetueses, për keqardhje

Deputetja e lëvizjes Vetëvendosje, Albulena Haxhiu ka reaguar lidhur me vendimin e Gjykatës Kushtetuese, duke e quajtur vendim për keqardhje.

Lexoni të plotë postimin e saj në Facebook:

“Vendimi për papranueshmëri të kërkesës së opozitës është për keqardhje. Në atë vendim nuk ka as shpjegim profesional e kushtetues! Është e dhimbshme se si ata që paguhen me parat e taksapaguese tanë dhe janë aty për të mbrojtur edhe ca nene që kanë mbetur pa u shkelur, ndikohen nga pushteti dhe ca burokratë ndërkombëtar!

Vendimi i sotëm i gjykatës së kapur kushtetuese ka për qëllim mbajtjen me dhunë të këtyre njerëzve në pushtet. Përmes gjykatës kushtetuese po tentojnë ta gjejnë shpëtimin.

Meqë ky regjim autoritar ka kapur secilin institucion të pavarur nuk ka zgjidhje tjetër: këta duhet hequr përmes shesheve. Vetëm kështu e mbrojmë territorin, sovranitetin, institucionet e Republikën!”.