Hoxhaj, Daçiqit: Pa njohjen e Kosovës, s’ka BE për Serbinë

Ish-ministri i Jashtëm i Kosovës, Enver Hoxhaj i është kundërpërgjigj Ministrit të Jashtëm të Serbisë, Ivica Daçiq.

Hoxhaj përmes një postimi në Twitter ka shkruar se Daçiq në të kaluarën ka pretenduar që Kosova e pavarur nuk ekziston por ai vete ka nënshkruar Marrëveshjen e Brukselit.

“Daçiq në të kaluarën ka pretenduar që Kosova e pavarur nuk ekziston, por ai vetë ka nënshkruar Marrëveshjen e Brukselit. A mos është kjo gjuhë dykuptimshme para zgjedhjeve? Pa pranimin e Kosovës në OKB dhe njohjen e ndërsjellët, Serbia do të ja bllokoj vetes integrimin në BE. Mjaft me gjuhë lajmesh, kemi nevojë për gjuhë të vërtetës”, ka shkruar Hoxhaj.