Identifikohet peshkatari i mbytur në Shkumbin

Policia e Elbasanit ka identifikuar peshkatarin që vdiq të martën pasi ra nga ura e lumit Shkumbin, në kohën kur ishte duke peshkuar.

Bëhet fjalë për 73-vjeçarin Niko Medelka, banues në Elbasan.

Peshkatari është rrëmbyer nga ujërat e lumit, i cili për shkak të reshjeve të ditëve të fundit ka pasur prurje të shumta. Policia ka kontrolluar përgjatë bregut të lumit dhe pas rreth 2 orësh ka gjetur trupin e viktimës.