Infantino kërkon një kandidaturë të tretë, numri një i FIFA-s dështon të bëjë bashkë presidentin e federatës Palestineze dhe atë të Izraelit
Presidenti i FIFA-s, Gianni Infantino, konfirmoi vullnetin e tij për të kandiduar për një mandat të tretë në krye të këtij organizmi. Numri një i FIFA-s bëri me dije qëllimin e tij gjatë kongresit të 76-të të këtij organizmi, të mbajtur ditën e djeshme në Vankuver të Kanadasë.
Në këtë event ai dështoi në tentativën që nisi për të “bashkuar Palestinën me Izraelin. Presidenti i Federatës Palestineze të Futbollit, Jibril Rajoub, refuzoi ftesën që i bëri Infantino për t’i dhënë dorën zëvendës presidentit të Fedeatës Izraelite të Futbollit, Basim Sheikh Suliman.
Burime të ndryshme konfirmuan se Infantino, i cili krijoi edhe Çmimin e Paqes që i akordoi Donald Trump-it, dëshironte një fotografi me dy palët përpara se të deklaronte kandidaturën e tij.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.