Integrimi, Knut Fleckenstein viziton sot Tiranën

Raporteri për Shqipërinë në Parlamentin europian Knut Fleckenstein do të jetë sot në Tiranë për një vizitë të njoftuar menjëherë pas vendimit të këshillit europian. Në një takim të përbashkët me ministrin e jashtëm Ditmir Bushati, ambasadoren e Bashkimit europian Romana Vlahutin dhe përfaqësues të shoqërisë civile, eurodeputeti gjerman do të diskutoje mbi atë se çfarë pritet nga Shqipëria pas konkluzioneve të Këshillit. Ligjvënësi europian që ka qënë shumë aktiv e i shprehur në opinionin publik këto ditë të marrjes në shqyrtim e vendimit europian për Shqipërinë, është bërë menjëherë pjesë e axhendës që do të duhet të përmbushe Shqipëria pas këtij qëndrimi europian.