IRAN – Të paktën 50 të vrarë nga sulmet e fundit amerikane

TEHERAN, 18 korrik /ATSH-DPA/ – Të paktën 50 persona kanë humbur jetën dhe mbi 500 të tjerë janë plagosur si pasojë e valës më të fundit të sulmeve ajrore amerikane në Iran, në kuadër të përshkallëzimit të ri të tensioneve në Gji, bëri të ditur sot qeveria iraniane.

Zëdhënësi i Ministrisë së Shëndetësisë, Hossein Kermanpur, njoftoi përmes platformës X se 460 të plagosur janë larguar nga spitalet pas marrjes së trajtimit, ndërsa 37 persona vazhdojnë të jenë të shtruar.

Autoritetet iraniane raportojnë zakonisht vetëm viktimat civile, ndërsa nuk kanë publikuar të dhëna zyrtare për humbjet në radhët e forcave ushtarake.

Sipas raportimeve, ushtria amerikane ka përqendruar sulmet kryesisht në provincat jugore bregdetare të Iranit.

Në provincën jugperëndimore të Khuzestanit, një zonë e rëndësishme për industrinë e naftës, autoritetet thanë se gjatë 10 ditëve të fundit janë goditur 95 lokacione, raportoi agjencia iraniane e lajmeve Tasnim./ /Ad.Ab./  a.jor.

.