Irani thotë se 50% e kapacitetit të South Pars-it është rikthyer pas sulmit izraelit të marsit

Gjysma e kapacitetit prodhues të objektit jetik të gazit natyror të lëngshëm (LNG) South Pars në Iran është rikthyer në punë, pasi një sulm ajror izraelit e nxori atë jashtë shërbimi në mars, deklaroi zëvendësministri i naftës Ahmad Zeraatkar, cituar nga agjencia gjysmëzyrtare Fars.

Zeraatkar tha se objekti, një nga më të rëndësishmit e infrastrukturës energjetike iraniane, pritet të jetë plotësisht operacional “në javët e ardhshme”. Ai shtoi se “programi i planifikuar për rikthimin e kapacitetit është përmbushur dhe të gjitha masat e mbetura do të përfundojnë para fillimit të dimrit”.

Në fund të gushtit, vetëm rreth 40 për qind e objektit të dëmtuar ishte rikthyer në prodhim — pra kalimi në 50 për qind shënon një hap të ri në rikuperimin e infrastrukturës energjetike të Iranit, e goditur rëndë gjatë luftës gati shtatë-mujore me SHBA-në dhe Izraelin.

South Pars është fusha më e madhe e gazit në botë, e përbashkët mes Iranit dhe Katarit, dhe burimi kryesor i prodhimit vendas të gazit iranian — një aset strategjik për ekonominë e vendit dhe për furnizimet rajonale të energjisë.

Burimi: Al Jazeera