IRGC godet një supertanker në Ngushticën e Hormuzit: anija e tretë e goditur në dy ditë

Marina e Gardës Revolucionare Islamike të Iranit (IRGC) njoftoi se ka goditur një supertanker në Ngushticën e Hormuzit, i cili po lundronte në një rrugë të paautorizuar brenda ngushticës strategjike, siç njofton Al Jazeera.

Sipas deklaratës së Marinës së IRGC-së, të cituar nga mediat shtetërore iraniane, cisterna gjigante kishte fikur sistemin e saj të navigimit dhe nuk iu ishte përgjigjur paralajmërimeve të vazhdueshme të Gardës, përpara se të tento të dilte nga ngushtica dhe të prishte, sipas saj, rendin dhe sigurinë atje.

Kjo është anija e tretë tregtare e goditur në Ngushticën e Hormuzit brenda dy ditëve, një përshkallëzim i dukshëm i konfrontimit detar në këtë korridor kritik, përmes të cilit para luftës kalonte rreth një e pesta e tregtisë globale të naftës dhe gazit të lëngshëm.

Goditja vjen në një moment kur tensionet për Hormuzin mbeten të larta, me Iranin që e mban ngushticën të mbyllur për SHBA-në derisa të plotësohen kushtet e tij, ndërsa Shtetet e Bashkuara vijojnë bllokadën ndaj porteve iraniane dhe trafikun detar po e shoqërojnë me prani të shtuar ushtarake.