Itali, protesta para ‘La Scala-s’, kundërshtohen masat antikrizë
Përleshje të dhunshme shpërthyen përpara ndërteses së ‘La Scala-s’ në Milano kur një tubim paqësor kundër reformave në tregun e punës dhe masave të rrepta antikrize mori një kthesë krejt tjetër.
Trazirat jashte erdhen ne kohen kur ne ambjentet e operas se famshme zhvillohej koncerti gala, i cili shenonte edhe eventin e fundit per maestron Daniel Barenboim si drejtor artistik. Performanca e çeljes se ‘La Scala-s’ me Fidelion e Beethhovenit perben piken ndoshta me te larte te vitit kulturor ne Itali.
Zakonisht, ne momente te tilla salla mbushet plot me politikane, biznesmene e figura te larta te sportit, por kete vit kryeministri Matteo Renzi dhe presidenti Giorgio Napolitano qendruan larg.
Teksa brenda teatrit te operas ngrihej sipari i Fidelios, ne rruget jashte tij protestuesit hidhnin veze e perime mbi forcat e policise qe nuk i lejuan te afrohen prane godines se shekullit te 18-te. Të ftuarit e kamur, disa nga te cilet paguajne deri ne 2.000 euro bileten per vendet me te mira, u fershellyen nga turma teksa hynin ne ndertese.
Arsyeja e acarimit te tubuesve ishin ndryshimet ne ligjin e punes te cilat e lehtesojne pezullimin e punonjesve. Dy efektive policie raportohet te jene lenduar nga raketat ndricuese dhe shishet e benzines te hedhura prej protestuesve. Dirigjenti i famshem izraelit Barenboim do te lere “La Scala-n” ne fund te ketij viti. Sipas korrespondenteve te huaj, e tatepjeta ekonomike e Italise i ka goditur ashper edhe financat e teatrit me te famshem te operas ne vend.
