Ja ç’bën drejtësia/hetuesia popullore!

Aq shumë janë molepsur ngjarjet e rrëfuera në publik për çështjen e Inceneratorëve saqë tani është e vështirë të kuptosh ku fillon e ku mbaron hetimi zyrtar e ku dallon nga llogjet mediatike.

E përsëris:
Copëtimi i çështjes hetimore në disa duar e në disa nëndosje, nxitimi për të bërë show me masa siguri (arresti me burg) si dhe lejimi i largimit nga hetimi i personave nga ku mund të nxirrej e vërteta e kësaj afere,janë dobësi të rënda të SPAK.

Veçanërisht arrestimet për bujë e kanë dëmtuar çështjen. Padyshim që do ishte më mirë që ti mbante të lirë ose nën masa më të buta personat e dyshuar, por do ti kishte në dispozicion të hetimit.
Duke i vendosur nën arrest,hetimet u dëmtuan sepse një pjesë ikën, pjesa tjetër kyçi gojën. Le pastaj teatri me imunitetin,që ishte dështim total në raport me hetimin dhe konfidencialitetin. Siç pritej xhanëm. Nxjerrin materiale të hetimeve në publik dhe kështu fillon gjyqi popullor, ku çdo aludim quhet provë!!!

Në të gjitha metodologjitë e hetimeve të suskesshme nuk sugjerohen veprimet e tipit show. As arrestimet e papjekura. Përkundrazi, të dyshuarit lihen të lirë dhe gjurmohen që hetimi të mbledhë sa më shumë prova.

SPAK u krijua për të hetuar grupe kriminale dhe jo për të bërë show. SPAK u krijua për punë, jo për zhurmë.

Çështja e inceneratorëve është një dhe e vetme. Ajo nuk mund të bëhet 1 çështje me 4 apo më shumë proçese të palidhura me njëra tjetrën.

Kjo çështje ka një të vërtetë dhe jo 4 e as 1 të ndarë në 4 pjesë. Dmth nëse ka korrupsion duhet të ishin në një çështje si të korruptuarit ashtu edhe korruptuesit dhe jo në katër çështje, ku akazat natyrshëm bëhen gjysmake dhe të përsëritura pa sens.

SPAK u ndërtua për këtë të vërtetë.