Jahjaga: Duhet ende punë për reformat në drejtësi

Nën drejtimin e Presidentes së Republikës së Kosovës, Atifete Jahjaga, ka filluar takimi i Këshillit Kombëtar Kundër Korrupsionit.

Me këtë rast, presidentja Jahjaga ka theksuar se sistemi i drejtësisë në vend duhet të jetë i depolitizuar dhe autonom.

Sipas saj, institucionet duhet t’i dalin zot premtimit për zero tolerancë kundër korrupsionit.

“Jemi zotuar që Kosova të jetë shtet i së drejtës. Ne duam reformë të thellë që do ta bëjë sistemin e drejtësisë të fortë. Duhet ende punë për reforma në drejtësi dhe në luftën kundër korrupsionit, pasi që nga kjo varet rruga jone drejtë BE-së. Duhet të tregojmë vullnetin tonë për efikasitet dhe t’i shmangemi drejtësisë së vonuar dhe rastet e grumbulluara të korrupsionit, në prokurori dhe gjykata duhet të reduktohen”, ka pohuar Jahjaga.

Gjatë këtij takimi, po ashtu pritet të diskutohet edhe për personat e fundit të arrestuar nën dyshimin për terrorizëm.