Jashtë Champions-i dhe i anashkaluar nga Liverpool, Chiesa rrezikon të humbë një tjetër vit

Italiani zgjodhi “The Reds” për të rilindur dhe për të provuar veten në Premier League, por bilanci pas dy vitesh mbetet negativ.

Ndryshojnë trajnerët, kalojnë sezonet, kurse rezultati nuk ndryshon kurrë: Federico Chiesa edhe këtë vit është lënë mënjanë nga Liverpool. Sinjali i qartë dhe i fortë është lista e Champions-it nga trajneri Andoni Iraola, ku Chiesa mungon, bashkë me japonezin Endo.

Një situatë deja-vù me lojtarin italian në Angli. Edhe një vit më parë, kur në stolin e “The Reds” ishte Arne Slot, Chiesa u la jashtë listës europiane, por u riintegrua pas dëmtimit të Giovanni Leoni. Një dush i ftohtë për sulmuesin, që luajti vetëm 726 minuta në të gjitha kompeticionet. Shumë pak.

Chiesa sot është jashtë për një problem muskulor, por edhe kur të kthehet nga dëmtimi, me siguri do të ketë pak hapësirë. Liverpool është përforcuar nga krahët me Bradley Barcola dhe Victor Munoz, ndërkohë që qëndroi Cody Gakpo dhe po promovohet i riu Rio Ngumoah. Chiesa është kështu sulmuesi i 5-të anësor për momentin, në fund të hierarkisë.

Pse italiani nuk ndryshon ambient? Shpesh emri i tij lakohet te skuadra të ndryshme në Serie A, por ai ka qëndruar te Liverpool për të luajtur “kartat” e tij. Ai rrezikon të humbë një tjetër vit dhe kjo situatë është edhe në dëm të Italisë, pasi Chiesa ka qenë një nga kolonat e skuadrës së Mancini-t, që u shpall kampione Europe në “Wembley”.