Jay-Z, ylli kryesor i performancës së Super Bowl 2027

Jay-Z do të jetë kryesuesi i shfaqjes së radhës në pushimin e Super Bowl. Reperi do të performojë në ngjarjen kulmore të futbollit amerikan në stadiumin SoFi në Ditën e Shën Valentinit, më 14 shkurt, në Inglewood të Kalifornisë.

Njoftimi vjen disa ditë pasi dolën për herë të parë raportet që e lidhnin Jay-Z me një performancë, ndërsa në internet u fol për rëndësinë e tij duke pasur parasysh mungesën e tij në top lista.

Por komisioneri i Ligës Kombëtare të Futbollit, Roger Goodell, nuk ka shprehur asnjë dyshim mbi fuqinë tërheqëse të Jay-Z. Të hënën në mbrëmje ai tha se reperi kishte qenë në listën e dëshirave të NFL-së për të performuar që nga viti 2019, kur liga arriti për herë të parë një marrëveshje partneriteti me Roc Nation.

Në atë kohë, Jay-Z tha se i kishte thënë Goodell: “Nëse kjo ka të bëjë me performancën time në Super Bowl, atëherë mund ta mbyllim këtë bisedë tani.”

Performanca e Bad Bunny në shkurt fitoi një rekord prej shtatë çmimesh, duke përfshirë edhe çmimin për specialen më të mirë të varietetit (live), ndërsa shfaqja e Kendrick Lamar vitin e kaluar fitoi për drejtimin e muzikës.

Jay-Z pati një sërë koncertesh të shitura plotësisht në SHBA, Londër dhe Paris përpara një ndalese në stadiumin SoFi gjatë fundjavës, ku ai mbylli festimet e 30-vjetorit të albumit të tij debutues ‘Reasonable Doubt’.

Ai ka fituar 25 çmime Grammy dhe ka marrë 89 nominime, numri i dytë më i lartë në histori pas gruas së tij, Beyonce- e cila ka performuar në dy Super Bowl. Katalogu i tij përfshin gjithashtu albumet ‘The Blueprint’ dhe ‘The Black Album’, dhe këngë hit si ‘Hard Knock Life (Ghetto Anthem),’ ’99 Problems’ dhe ‘Empire State of Mind,’ bashkëpunimi i tij me Alicia Keys .

Jay-Z u bë reperi i parë që u përfshi në Sallën e Famës së Këngëshkruesve në vitin 2017 dhe iu bashkua Sallës së Famës së Rock & Roll në vitin 2021. Ai është gjithashtu fitues katër herë i çmimit Emmy.