Joe Jonas i jep fund lidhjes me Tatiana Gabrielën pas më shumë se një viti

Këngëtari i njohur amerikan Joe Jonas dhe modelja portorikane Tatiana Gabriela i kanë dhënë fund lidhjes së tyre pas më shumë se një viti së bashku.

Lajmi për ndarjen u bë publik më 14 nëntor 2026, ndërsa sipas burimeve pranë çiftit, vendimi erdhi pas disa vështirësive që kishin nisur të ndikonin në marrëdhënien e tyre.

Sipas raportimeve, një prej arsyeve kryesore të ndarjes ka qenë angazhimi i madh profesional i Joe Jonas, i cili ka bërë që çifti të kalonte gjithnjë e më pak kohë së bashku. Edhe pse gjatë verës ata kishin udhëtuar së bashku, distanca dhe angazhimet e ndryshme duket se kanë ndikuar në marrëdhënien e tyre.

Burime pranë çiftit kanë bërë të ditur gjithashtu se mes tyre kishte pasur probleme besimi, të cilat ishin përpjekur t’i kapërcenin. Megjithatë, thuhet se Tatiana Gabriela ishte ajo që vendosi t’i jepte fund lidhjes.

Pavarësisht ndarjes, miqtë e tyre nuk e përjashtojnë mundësinë e një pajtimi në të ardhmen.

Joe Jonas dhe Tatiana Gabriela nisën të përfliteshin për një lidhje gjatë verës së vitit 2025, ndërsa romanca e tyre u bë më e dukshme në muajt pasues. Në prill të vitit 2026, këngëtari publikoi edhe fotografi me modelen në rrjetet sociale, duke e bërë lidhjen e tyre më publike.

Deri më tani, as Joe Jonas dhe as Tatiana Gabriela nuk kanë reaguar publikisht për ndarjen.

Kujtojmë se këngëtari ka qenë më parë i martuar me aktoren Sophie Turner, me të cilën ka dy vajza. Divorci i tyre u finalizua në vitin 2024.