Juventus pa Champions komplikon merkaton, çfarë ndodh me Bernardo Silvën, Alisson e Vlahoviç!

Bardhezinjtë rrezikojnë të mbeten jashtë kompeticionit të rëndësishëm europian dhe në këtë rast ndryshon edhe strategjia e blerjeve.

Disfata në shtëpi me Fiorentinën e zbriti Juventusin nga vendi i 3-të në 6-tin, duke e larguar ndjeshëm nga Champions League. Ky skenar do të sillte një humbje mes 70 dhe 80 milionë eurove, që do të kishte pasoja direkt në merkato, nga blerjet te shitjet

dhe rinovimet.

A do të rinovonte Vlahoviç pa Champions? Mundësitë e zgjatjes së kontratës me sulmuesin serb janë ulur. Juventusi propozon 6 milionë euro në sezon, gjysma e pagës aktuale. Lojtari vazhdon të ëndërrojë skena të nivelit të parë, si Barcelona dhe Bajerni, kështu që është e vështirë të qëndrojë në Torino.

Lamtumira nga Europa që vlen do të komplikonte po ashtu garën për afrime me peshë, si Bernardo Silva, që mund të merret nga Manchester City me parametro zero. Portugezi e ka shtyrë vendimin pas Botërorit, por vështirë se do të luante në Europa League, duke preferuar opsione të tjera, si Barcelona.

I njëjti fat edhe për Alisson. Portieri brazilian ka një akord dhe është gati për Juventusin ndoshta edhe pa Champions, por me kushtin që të ketë një ekip që të luftojë për titull.

Për shitjet, i pari është Gleison Bremer, i cili dëshiron të luajë në Premier League dhe klubi nuk do ta pengojë. Në radarët e klubeve angleze janë edhe Khephren Thuram e Francisco Conceicao. Dhe pozicioni i Andrea Cambiaso mbetet në dyshim. Drejtuesit e Juventusit kanë blinduar Kenan Yildiz sit ë vetmin element të pashitshëm.