Juventusi pa shpirt në fushë dhe Spalletti pa ide, tani trajneri rrezikon shkarkimin

Në Genova skuadra bardhezi humbi 2-0 dhe preku pikën më të ulët të menaxhimit nga trajneri toskan. Pronarët do të marrin një vendim, të dielën “provimi” ndaj Napolit.

Një kaos pak i organizuar. Ose ndoshta konfuzion, në kërkim të një sensi që nuk është më. Era e Genova-s largoi dyshimet e fundit mbi atë çfarë është sot Juventusi. Luciano Spalletti regjistroi ndeshjen numër 50 në stolin bardhezi, duke prekur pikën më të ulët që kur drejton këtë skuadër.

Fiks një vit pas firmës për akordin e parë prej 8 muajsh, – pastaj rinovimi deri në 2028-ën – Juventusi ndodhet në një moment reflektimi të thellë mbi të ardhmen. Në botën bardhezi nuk funksionon thuajse asgjë. Kush zbret në fushë nuk e kupton delikatesën e këtij momenti. Dhe me një kualitet jo shumë të lartë, detyra e trajnerit është të udhëzojë drejt djemtë e tij.

Genoa ishte padrone e fushës, Juventus mbeti aty duke parë. Nuk mund të thuhet se lojtarët luajnë kundër trajnerit, por e vërteta është se shumë lojtarë nuk kanë entuziazëm dhe e kanë kokën plot me mendime të këqija.

De Rossi diti të transmetojë adrenalinë, kurse Spalletti nuk diti të largojë rrezikun. I kërkoi Gatti-t të transformohej që në fillim në një sulmues të shtuar, por kjo nuk është një lavizje katalogu “spallettate”.

Juventusi nuk është, ose më mirë nuk duket kur ngrihet sipari. Topi lëviz shpejt dhe vetëm në njërën anë, që nuk është ajo bardhezi. Lojtarët janë të lexueshëm dhe gati banalë në veprime. Bremer me shokë nuk arrijnë të bëjnë tre pasime radhazi.

Juventusi është në “choc” dhe rrallë është parë një skuadër e tillë, që luan sikur të kishte një peshë mbi shpinë. Trajneri Spalletti ka një mesatare pikësh 1.78 për ndeshje, më pak se Thiago Motta (1.79) dhe më shumë se Igor Tudor (1.76). Ka humbur 3 ndeshje nga 9 deri tani në kampionat.

Tani pronarët duhet të japin një sinjal. John Elkann ka një raport me trajnerin, por besimi ushqehet me rezultate. Të dielën në “Allianz Stadium” luhet sfida me Napolin dhe do të jetë një “provim”, sepse trajneri rrezikon shumë largimin nga stoli bardhezi.

Ende nuk ka komente. Bëhuni i pari që komenton.