Kadastra dorëzon vendimet e legalizimit në zonën e Kasharit

Agjencia Shtetërore e Kadastrës (AShK) bën me dije se vijon punën në terren për dorëzimin e vendimeve të legalizimit të emetuara në vite.

Në zonën Kasharit, ekipet e Drejtorisë Vendore ASHK,Tiranë Rurale 2, trokitën derë më derë për të dorëzuar titujt e pronësisë tek përfituesit, duke u mundësuar qytetarëve të pajisen dokumentin e tyre pa vonesa të mëtejshme.

Sipas AShK-së, bëhet fjalë për vendime të emetuara më parë, për të cilat nuk ka qenë i mundur dorëzimi përmes platformës e-Albania.

Ndërsa, emrat e përfituesve që nuk i kanë tërhequr ende vendimet e legalizimit janë publikuar në faqen zyrtare të ASHK-së, në rubrikën “Publikime”, të organizuara sipas drejtorive përkatëse.

AShK rikujton se vendimi i legalizimit duhet të regjistrohet përmes platformës e-Albania, për t’u pajisur me dokumentacion të plotë pronësie.

ASHK-ja i bën apel qytetarëve që konstatojnë paqartësi ose kanë pretendime mund të paraqesin kërkesë me shkrim pranë njësisë administrative përkatëse. Ky proces synon të sigurojë një regjistrim të saktë të pasurive dhe të rrisë sigurinë juridike për çdo qytetar.

/e.i/a.f/