Kane nuk shkon askund, Rummenigge: Është i lumtur, gati rinovimi me Bayern Munich

Me pak më shumë se një vit kontratë të mbetur, Bayern Munich po përgatitet të sigurojë që Harry Kane të qëndrojë aty. Karl-Heinz Rummenigge ka konfirmuar se klubi bavarez synon të nisë negociatat për rinovimin në fund të sezonit. Sipas tij, Kane është i lumtur dhe vendimi për ta lënë të skadojë klauzola e lirimit gjatë dimrit tregon dëshirën e sulmuesit për të vazhduar te bavarezët.

Rummenigge e quajti transferimin e tij një “goditje historike”. Kane ka shënuar 138 gola në 141 ndeshje që nga ardhja te Bayern Munich më 2023 dhe, nën drejtimin e Vincent Kompany, ka pësuar një transformim taktik.

Anglezi është bërë jo vetëm finalizues, por edhe organizator loje që zbret në mesfushë dhe shërben me pasime të sakta për lojtarë si Michael Olise e Luis Díaz. Ky rol i ri e ka bërë një shtyllë kryesore të sistemit të Kompany. Bayerni synon “ta blindojë” 32-vjeçarin me një rinovim afatgjatë, për ta mbajtur sa më gjatë në këtë top-formë.