Kapitulli 1/30 i anëtarësimit në BE, shifra, fakte dhe ecuri në seancën e Komisionit të Jashtëm

Jodizimi i kripës shqiptare është më i lartë se ai i nivelit që kërkon Bashkimi Europian, por edhe kjo klasifikohet si pengesë në identifikimin e barrierave jo tarifore të lëvizjes së lirë të mallrave me Bashkimin Europian. Shembulli është një prej atyre të shumtëve mbi të cilët po punohet me legjislacion e praktika nga ekipi negociator i Shqipërisë me Komisionin europian. Zv.ministri i ekonomisë solli shifra e fakte të ecurisë në Komisionin e Jashtëm.

“Janë analizuar në total 98 akte ligjore e nënligjore dhe janë identifikuar 65 masa apo pengesa të tregtisë së lirë mes Shqipërisë dhe BE. Janë identifikuar edhe 55 masa të tjera për të cilat është planifikuar që të eliminohen”, tha zv.ministri.

Sjellë në vëmendje nga deputeti Eno Bozo, çështja e kualifikimit të ndërmarrjeve shqiptare është vendosur në termat e skemës rezervë të konsumit të ashtuquajtur të kilometrit zero.

“Koha që i lihet në dispozicion biznesit tonë të vogël, veçanërisht për t’u standartizuar sipas normave të BE në çështjet e emetimeve të mjedisit, është komplete pamjaftueshme”, tha deputeti.

“Bashkimin Europian e lejon tregtimin në kilometër zero. Pra, rregullat e përgjithshme të tregtimit zbatohen për mallrat apo produktet që janë me etiketë dhe që dalin në tregun e madh”, u përgjigj zv.ministri.

Konsideruar ai përparimi më i madh me BE-në, kapitulli 30 për marrëdhëniet me jashtë qëndron përpara një fokusi realizimesh.

“Ka nevojë për t’ua menduar pesë marrëveshje të tregtisë së lirë. Nga 46 traktate dypalëshe të investimeve parashikohet që të amendohen 43 prej tyre dhe gjithashtu marrëveshjet e bashkëpunimit ekonomik dhe tregtar me 27 vende që ne kemi. 18 marrëveshjet e bashkëpunimit ekonomik dhe tregtar me vendet jo anëtare të Bashkimit Europian do të duhet të amendohen”, tha zv.ministri.