Karakaçi inspekton punimet për nënstacionin e ri elektrik në Piqeras: Do të rrisë sigurinë e furnizimit në jug të vendit

Ministri i Infrastrukturës dhe Energjisë, Enea Karakaçi ka qenë sot në jug të vendit, ku ka inspektuar punimet për ndërtimin e nënstacionit të ri elektrik në Piqeras, Sarandë. Sipas raportimit dhe nga ekspertët, gjithçka ka ecur me ritme të shpejta dhe ky nënstacion me 6 fidera pritet t’i vijë në ndihmë një zone të madhe në jug të vendit.

“Këtu po ndërtojmë një nënstacion të ri. Ka qenë ekzistues, por vitin e kaluar patëm një përmbytje dhe na bëri ta përshpejtojmë pak. Përveç nevojës për të rritur sigurinë e furnizimit në zonë, por edhe për shkak të disa pajisjeve të dëmtuara”, tha ministri Karakaçi.

Ai theksoi se ky nënstacion pritet t’i japë siguri më të mirë furnizimi gjithë kësaj zone.

“Ne në këtë zonë furnizohemi në një rrjet 10 kilovoltsh ekzistues, ndërkohë që me nënstacionin e ri që do jetë 110 kilovolt, 20 dhe 10 kilovolt, ne kalojmë në një rrjet tensioni 20 kilovolt që i japim dhe siguri më të mirë furnizimi gjithë kësaj zone, por duke e lidhur me Sarandën. Ne kemi filluar para disa muajsh punimet këtu dhe jemi me ritme të larta punimesh dhe brenda muajve të parë 2027 do ta kemi funksionale”, u shpreh ministri.

vijon…