Kartoni i verdhë i orës, Turqia i kërkon FIFA-s përsëritjen e ndeshjes me Paraguajin

Turqia i është drejtuar FIFA-s me një kërkesë zyrtare për përsëritjen e ndeshjes me Paraguajin, ku ajo humbi dhe u aliminua nga Kupa e Botës. Lajmi bëhet i ditur nga “Gazzetta dello Sport”.

Shkak për këtë kërkesë të Federatës Turke të Futbollit, që nuk është pranuar nga organizimi që drejton futbollin botëror, është bërë episodi që ndodhi me arbitrin Ivan Barton. Ai u konsiderua fajtor për faktin se nuk i dha kartonin e dytë të verdhë lojtarit paraguaijan Matias Galarza.

Sipas qëndrimit të Turqisë, lojtari në fjalë meritonte ndëshkimin me karton të kuq (dy të verdhë), sepse mori dhe vendosi në dorë orën e humbur nga arbitri në fushë, pas një momenti të nxehtë. Ora më pas iu rikthye arbitrit, që e fali Galarza-n, duke evituar kartonin e dytë të verdhë.

FIFA e ka hedhur poshtë ankesën e Turqisë, që zhgënjeu totalisht në Botëror, duke u eliminuar që në fazën e grupeve.