Qeveria miraton edhe emërimin e 7 prefektëve të rinj

Pas ndryshimeve në qeveri në nivel zv/ministrash, në mbledhjen e sotme të Këshillit të Ministrave janë miratuar edhe ndryshime në qarqe, për prefektët.

Kështu, në Prefekturën e Tiranës është emëruar, Admir Abrija, deri tani administrator i një prej njësive të Tiranës.

Abrija më parë ka mbajtur poste drejtuese në Gardën e Republikës dhe në Policinë e Shtetit, ndërkohë që tani zëvendëson Sadi Vorpsin, i cili është i 17-ti i PS-së në Tiranë.

Bie gjithashtu në sy edhe emërimi i Ardit Kajës, ish deputet socialist deri në vitin 2005, që ka marrë detyrën e Prefektit të Dibrës.

Emërimet e reja:

Admir Abrija Prefekt i Tiranës

Pandi Papando Prefekt i Korcës

Vasil Bregu Prefekt i Fierit

Ardit Demiri Prefekt i Elbasanit

Emiljan Jani Prefekt i Durrësit

Ardit Kaja Prefekt i Dibrës

Valbona Zylyftari Prefekt i Beratit