Kroacia shkoi dje pasdite në çerekfinale duke mposhtur Japoninë me penallti.
Të ashtuquajturit ”samurajt blu” iu afruan suksesit pasi e mbyllën ndeshjen me rezultatin 1-1 (1-0).
Golin e parë e shënuan japonezët me Daizen Maeda (43′). Pas një goditje nga këndi, Maeda shënoi me një kthesë të rrufeshme para portës, duke mundur portierin Livakoviç.
Golin e kroatëve e shënoi Ivan Perishiç (55′), i cili me një goditje të përsosur me kokë nga një kros i Lovren nuk i lë asnjë shans portierit Gonda.
Japonezët, pas suksesit të tyre të papritur kundër Gjermanisë dhe Spanjës në fazën e grupeve, tashmë janë të eliminuar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.