Kategoria e Parë, renditja/ Pogradeci i afrohet kreut, ngjallet gara në fund, si ndryshon situata pas tre ndeshjeve të para të javës
Pogradeci u ngjit përkohësisht në vendin e dytë pas fitores minimale, Korabi u largua nga zona e ftohtë, ndërsa Oriku ringjalli garën për mbijetesë me fitoren e parë të edicionit.
Tre ndeshjet e sotme në Kategorinë e Parë kanë sjellë ndryshime që mund të jenë ndikim sa i përket luftës për objektiva të ndryshme të skuadrave.
Fitorja minimale e Pogradecit ka mjaftuar që “liqenorët” ta shohin veten përkohësisht në vendin e dytë në klasifikim, që garanton ngjitjen direkt në Superiore, që mbetet objektivi kryesor i skuadrës.
Korabi i është larguar më shumë zonës së ftohtë me tre pikët që mori, kurse në fund, Oriku me suksesin e parë të edicionit ringjall luftën për mbijetesën duke iu afruar më shumë dyshes Burreli-Sopoti që ka më lart në renditje.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.