Kendall Jenner dhe Jacob Elordi ndezin thashethemet për romancë

Kendall Jenner dhe Jacob Elordi kanë ndezur edhe më shumë thashethemet për një romancë mes tyre, pasi u fotografuan së bashku gjatë një pushimi në Hawaii.

Modelja 30-vjeçare dhe aktori i njohur nga “Euphoria”, 28 vjeç, u panë duke ngrënë mëngjes në Nourish Hanalei në ishullin Kaua’i, sipas fotove të publikuara nga DeuxMoi.

https://www.instagram.com/p/DYYUEwtDlGh/?img_index=1&igsh=NTc4MTIwNjQ2YQ%3D%3D

Raportohet se dyshja kanë kaluar disa ditë në Kaua’i, ku janë parë duke pirë kafe, duke vizituar një dyqan vere dhe duke qëndruar në resortin luksoz North Shore Preserve.

Spekulimet për një lidhje mes Kendall dhe Jacob nisën që në prill, kur thuhej se ata ishin “shumë të afërt” dhe “duke u puthur” në afterparty-n e Justin Bieber gjatë festivalit Coachella.

Sipas mediave amerikane, lidhja mes tyre mund të ketë nisur që në shkurt dhe thuhet se motra e Kendall, Kylie Jenner  ishte ajo që luajti rolin e “shkueses” mes tyre.

Burime pranë çiftit kanë treguar se Kendall fillimisht ishte hezituese për shkak të miqësisë së gjatë me Elordi, por dinamika mes tyre “ka ndryshuar ndjeshëm” kohët e fundit. Më herët, Kendall Jenner ka qenë në lidhje me Bad Bunny dhe basketbollistin Devin Booker, ndërsa Jacob Elordi është përfolur për romanca me Olivia Jade, Kaia Gerber dhe Joey King.