Kim Kardashian flet për të ardhmen si avokate

Kim Kardashian nuk ka ndërmend të heqë dorë nga ëndrra për t’u bërë avokate, pavarësisht se nuk arriti të kalonte provimin e jurisprudencës në Kaliforni.

Ylli i reality show-t foli hapur për të ardhmen e saj profesionale gjatë premierës së sezonit të dytë të serialit “All’s Fair”, në New York, më 2 nëntor.

Kim, e cila prej vitit 2019 po ndjek rrugën për t’u bërë avokate, tregoi se ende e ka në mendje provimin, por nuk dëshiron të nxitohet për ta dhënë sërish.

“Gjithmonë mendoj për provimin. Do të marr kohën time dhe do të pres momentin e duhur, kur të kem pak kohë të lirë për t’u përqendruar tek ai”, u shpreh ajo për revistën People.

Kardashian përfundoi në vitin 2025 një program katërvjeçar studimi juridik dhe iu nënshtrua provimit të jurisprudencës në korrik të po atij viti. Megjithatë, në nëntor zbuloi se nuk kishte arritur ta kalonte, duke pranuar se kishte qenë shumë pranë suksesit.

Në atë kohë, ajo u shpreh se rezultati nuk e kishte demotivuar, por përkundrazi e kishte shtyrë të përpiqej edhe më shumë.

Rruga drejt profesionit të avokates nuk ka qenë e lehtë për Kim. Ajo iu nënshtrua katër herë provimit paraprak të njohur si “Baby Bar”, përpara se ta kalonte në vitin 2021.

Një tjetër vështirësi është edhe angazhimi i saj i madh profesional dhe përgjegjësitë si nënë e katër fëmijëve. Sipas burimeve të Page Six, Kardashian nuk planifikon ta provojë sërish provimin përpara vitit 2027, pasi dëshiron t’i kushtojë muaj të tërë përgatitjes.

Megjithatë, ajo nuk ka ndërmend të heqë dorë nga synimi i saj. Bashkëaktorja në “All’s Fair”, Sarah Paulson, shprehu gjithashtu besimin se Kim do të bëhet një avokate shumë e mirë.