“Kjo nuk mund të ndodhë”! Jo vetëm Lamine Yamal, Spanja rrezikon të humbë edhe një tjetër yll për Botërorin

Pavarësisht se është thënë që Lamine Yamal do të jetë gati për Spanjën për Kupën e Botës 2026, frika është ende e madhe. Po sikur të mos mjaftonte vetëm frika për Yamal, një tjetër lojtar i rëndësishëm për Spanjën rrezikon shumë pjesëmarrjen në Botëror.

Bëhet fjalë për Nico Williams, anësori që la fushën e lojës sot gjatë ndeshjes mes Athletic Bilbao dhe Valencia-s. Nico Williams dëmtohet vetëm 32 ditë para fillimit të Kupës së Botës. Anësori spanjoll ndërsa po largohej nga fusha, u kap nga kamerat duke thënë: “Nuk është e mundur, nuk është e mundur!”

Deri më tani, Athletic Bilbao nuk e ka komunikuar ende llojin e skatë të dëmtimit që ka pësuar Williams, por frika është e madhe për një mungesë në Botëror.