Klopp dhe vendimet e para, Kimmich kapiten, Undav nuk do të grumbullohet, Keidel kurorëzon ëndrrën

Jürgen Klopp do të bëjë publike nesër (të enjten) listën me lojtarët e grumbulluar për ndeshjet e radhës të Nations League. Komisari teknik i Gjermanisë ka nisur t’i japë formë skuadrës së tij, e cila pritet që të ketë kapiten Joshua Kimmich. Mesfushori i FC Bayern shikohet si një lojtar deciziv nga Klopp si për çështjet në lidhje me fushën dhe ato me dhomat e zhveshjes. 31-vjeçari është një lider dhe autoriteti i tij nuk diskutohet nga grupi i lojtarëve. Klopp ka kontaktuar me Kimmich gjatë ditëve kur vizitoi ekipin e FC Bayern-it dhe e siguroi lojtarin se që nga ky moment roli i tij nuk do të ndryshonte dhe se do të vendosej në fushë përpara mbrojtjes.

Felix Kaidel

Sa i përket ftesave Klopp ka surprizuar pasi në listën e tij figuron emrin i Felix Keidel. Mbrojtësi i SV Elversberg do të ftohet për herë të parë nga kombëtarja katër herë kampione e botës edhe pse ka mundur që të regjistrojë vetëm tre ndeshje në kategorinë kryesore të futbollit gjerman, Bundesliga. 23-vjeçari do të aktivizohet në krahun e djathtë të mbrojtjes pasi ai është pozicioni i tij i preferuar edhe pse mund të aktivizohet edhe si mesfushor qëndre.

Një tjetër surprizë vjen edhe nga reparti i sulmit ku Deniz Undav është informuar nga Klopp se nuk do të jetë pjesë e listës së lojtarëve të grumbulluar për katër takimet e radhës. A.V.