Klosi: Pagesa financiare të kthehet në shërbime për PAK
Ministri i Mirëqënies Sociale dhe Rinisë, Blendi Klosi, prezantoi sot nga ambjentet e qendrës “Ndihmoni Jetën” strategjinë e re të integrimit të personave me aftësi të kufizuar (PAK).
Gjatë mbledhjes së Këshillit Kombëtar për Aftësinë e Kufizuar u vu në dukje se vetëm ndihma financiare që u jepet përsonave të tillë nuk konsiderohet e plotë, ndaj dhe qasja e re lidhet me shërbimet e ofruara nga PAK.
“Do doja shumë të tërhiqja vëmendjen e këtij këshilli dhe do doja shumë të mendonim në mënyre të ftohtë sesi shkon pagesa tek këta persona me aftësi të kufizuar. Si KESH apo në formë rehabilitimi. Për këtë lind nevoja për reformë të thellë. Është e pamundur që me ato para të jetojë familja. Nuk duhet të jetë kështu dhe kërkesa që vjen nga ky komunitet është që këto para të shkojnë për shërbime”, tha Klosi.
Ministri e konsideroi të rëndësishme trajtimin dhe integrimin në shoqëri të përsonave me aftësi të kufizuar që në moshë të vogël.
“Ka ardhur koha të kërkoj mbështetjen e Ministrisë së Financave dhe Ministrisë së Shendetësisë si dhe institucioneve të përkujdesit, të kthejmë këto pagesa në shërbime. Kemi shumë nevojë që njërëzit me aftësi të kufizuar të trajtohen që në moshë të vogël nëse është rasti, pasi kemi raste konkrete që trajtimet që në moshë të re, të specializuara, mund të sjellin ndryshim rrënjësor në jëtën e tyre”, deklaroi ai.
