Kombëtarja nuk është vetëm e lojtarëve, Maran bën surprizën e bukur për tifozët
Trajneri Rolando Maran ka hapur dyert e stërvitjes së parë të Kombëtares për tifozët, në prag të sfidave ndaj Finlandës dhe Bjellorusisë në Ligën e Kombeve.
Kombëtarja shqiptare nis sot përgatitjet për dy sfidat e fundit të Ligës së Kombeve, por këtë herë me një risi për tifozët. Trajneri Rolando Maran ka vendosur të hapë dyert e stërvitjes së parë të kuqezinjve, duke u dhënë mbështetësve mundësinë t’i ndjekin nga afër përgatitjet, raporton Top Channel.
Sipas Top Channel, tekniku italian kërkon që skuadra ta nisë grumbullimin me energjinë dhe entuziazmin e tifozëve, të cilët i ka cilësuar si motori dhe energjia e kësaj Kombëtareje, duke synuar sinergji mes tifozëve, ekipit dhe lojtarëve.
Shqipëria kryeson Grupin C1 me 9 pikë dhe synon ta mbyllë grupin në vendin e parë. Pas stërvitjes së hapur, kuqezinjtë do të presin Finlandën më 12 nëntor, në orën 20:45, në stadiumin ‘Air Albania’, ndërsa tri ditë më pas, më 15 nëntor, do të përballen me Bjellorusinë në Budapest, në orën 18:00.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.