Komiteti Ndërkombëtar i Kryqit të Kuq lehtëson transferimin e 35 të burgosurve palestinezë në Gaza

Komiteti Ndërkombëtar i Kryqit të Kuq, KNKK ka lehtësuar transferimin e 35 të burgosurve palestinezë të liruar nga vendkalimi Karem Abu Salem në Spitalin Nasser.

KNKK tha se që nga viti 2023, ajo ka lehtësuar lirimin e 2,700 të burgosurve palestinezë në Gaza, por që nga tetori i atij viti, nuk ka qenë në gjendje të qaset te palestinezët në qendrat e paraburgimit izraelite.

Qendrat izraelite të paraburgimit ndodhen në shkretëtirën Negev, në Bregun Perëndimor të pushtuar dhe në Izraelin verior, si dhe atë qendror.

Grupet lokale dhe ndërkombëtare të të drejtave të njeriut, hetuesit e Kombeve të Bashkuara dhe dëshmitë e mbledhura nga të burgosurit e liruar raportojnë abuzime të përhapura sistemike, duke përfshirë mbipopullim të rëndë, privim të qëllimshëm nga ushqimi dhe ilaçet, si dhe dhunë fizike e seksuale.