Kompania “Repsol” blen gjigantin kanadez “Talisman Energy” për 10,4 miliardë euro

Kompania spanjolle e energjetikës “Repsol” po forcon praninë e saj në Amerikën e Veriut duke blerë konkurentin kanadez “Talisman Energy” për 10,4 miliardë euro (12,9 miliardë dollarë).

“Repsol”-i synon të blejë 100 për qind të kompanisë “Talisman” për 6,6 miliardë euro dhe 3,8 miliardë euro do të blihet borxhi i “Talisman”-it, sipas deklaratave të publikuara sot nga dy kompanitë.

Kjo marrëveshje do të rendisë “Repsol”-in në 15 kompanitë më të mëdha private të naftës në botë duke rritur me 76 për qind prodhimin, ose 680 mijë fuçi në ditë.

Të dyja kompanitë e kanë pranuar këtë marrëveshje, që sipas “Repsol”-it është blerja më e madhe e kryer në krahun tjetër të oqeanit nga një kompani Spanjolle në pesë vitet e fundit.

Por kjo marrëveshje duhet të marrë gjithashtu miratimin e aksionerëve të “Talisman”-it dhe të regullatorit Kanadez që pritet të përfundojë në mes të vitit 2015.