Kryeministri Edi Rama publikoi sot në rrjetet sociale foto nga kompleksi i banimit “Mangalem 21” në Tiranë, projekt i studios së famshme holandeze “OMA”.
Kompleksi i banimit “Mangalem 21” shtrihet në pjesën lindore të kryeqytetit.
Terreni i pjerrët lejon që çdo ndërtesë të shikojë mbi tjetrën, duke krijuar pamje të ndryshme mbi rrethinat, ndërkohë që 70% e zonës mbetet e hapur për sheshe publike dhe hapësira të gjelbra.
Sipas studios holandeze, modeli abstrakt i shahut kthehet në një grup të vazhdueshëm hapësirash të banueshme duke elaboruar këndet tangjente në entitete arkitekturore.
“Përdorimi i dukshëm i ngjyrës nga projekti është një referencë ndaj nismës së ish-kryebashkiakut të Tiranës, Edi Rama për të lyer blloqet e apartamenteve të periudhës komuniste të qytetit, në fillim të viteve 2000. Një gamë e kufizuar ngjyrash, e aplikuar në kombinime të ndryshme për muret e jashtme, kornizat e dritareve dhe grilat, i jep secilës fasadë shprehjen e saj unike. Çatitë trajtohen si një fasadë e pestë, pasi konfigurimi i shkallëve të zhvillimit i bën ato të dukshme nga ndërtesat e sipërme”, thuhet në përshkrimin e projektit të studios holandeze “OMA”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.