Konferenca e 8-të Ndërqeveritare Shqipëri-BE, Rama pritet në takim nga kryeministri i Belgjikës

Kryeministri Edi Rama është pritur sot në Bruksel nga kryeministri i Belgjikës, Bart De Wever, në kuadër të zhvillimit të Konferencës së 8-të Ndërqeveritare Shqipëri-BE.

Rama ndodhet në Bruksel së bashku me ekipin negociator shqiptar, ku do të marrë pjesë në konferencën që lidhet me procesin e negociatave për anëtarësimin e Shqipërisë në Bashkimin Europian.

Kjo konferencë konsiderohet një moment kyç në fazën aktuale të negociatave, pasi fokusohet në përmbushjen dhe mbylljen e kushteve të ndërmjetme që do të përcaktojnë ritmin e mëtejshëm të procesit të integrimit europian të Shqipërisë.