Korçë, plagosje me armë zjarri në qendër të qytetit

Një person është qëlluar me armë zjarri në lagjen nr.7 të qytetit të Korçës, pak pas mesditës së të hënës.

Ngjarja e rëndë ka ndodhur në rrugën “Don Gjon Buzuku”.

Paraprakisht, policia njofton se ka mbërritur me shpejtësi në vendin e ngjarjes dhe ka arrestuar autorin e dyshuar të saj.

Ndërkohë, i plagosuri është shoqëruar menjëherë drejt spitalit të qytetit, ku ndodhet jashtë rrezikut për jetën.