Kosovë: Mblidhet Kuvendi, Enver Hoxhaj: Na duhet kohë, s’e kemi shumicën
Nënkryetari i PDK-së Enver Hoxhaj ka thënë se e kanë emrin për Kryeparlamentar, por nuk e kanë shumicën për ta hedhur atë në votim.
Ai në fjalimin e tij në Kuvend ka kërkuar edhe pak kohë, një afat prej dy javësh në mënyrë që Kryeparlamentari t’i ketë votat, raporton Express.
“Si koalicion që ka të drejtë për të propozuar kryeparlamentarin, pra si një hap i parë dhe pastaj me nënkryetarët ne kemi kërkuar kohë këto javët e fundit por në fund të fundit jemi në politikë dhe në politikë funksionojnë gjërat ashtu siç kanë të drejtë. Ne kemi të drejtë ta propozojmë kryeparlamentarin. Ne kandidatin e kemi por nuk e kemi shumicën parlamentare”, është shprehur Hoxhaj.
Hoxhaj ka thënë se në asnjë formë nuk janë për humbje kohe dhe zvarritje, meqë këtë Kuvend, siç e tha ai, e presin vendime të mëdha.
“E disa prej tyre që s’janë marrë në mandatin e kaluar, ne presim që ky mandat i Kuvendit do t’i adresojë me shpejtësinë e duhur të gjitha temat që qytetarët kanë pritur kohët e fundit”, tha Hoxhaj
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.