KPK konfirmon në detyrë kandidaten për anëtare të Kushtetueses, Elsa Toska

 Këshilltarja ligjore pranë Gjykatës Kushtetuese, Elsa Toska dhe kandidate për anëtare të Gjykatës Kushtetuese, kaloi vettingun duke u konfirmuar sot në detyrë.

Këshilltarja ligjore pranë Gjykatës Kushtetuese Elsa Toska u vlerësua për profesionalizmin gjatë seancës dëgjimore para Komisionit të Pavarur të Kualifikimit

Komisioni i Pavarur i Kualifikimit pas një hetimi të dokumentacionit të saj ka vlerësuar se Këshilltarja ligjore pranë Gjykatës Kushtetuese, Elsa Toska plotëson tri kritere e vlerësimit atë të ligjshmërisë, të pasurisë dhe kriteret etiko-profesional.

Trupa gjykuese kryesohej prej Valbona Sanxhaktarit, me relatore Genta Tafa (Bungo) dhe anëtar Lulëzim Hamitaj, shpallën vendimit e konfirmimit në detyrë të këshilltares Kushtetuese, Elsa Toska.

Elsa Toska ka mbaruar fakultetin e Drejtësisë në vitet 1996-2000 si dhe doktoraturën për ligjin kushtetues dhe atë administrativ.

Po ashtu, Toska e ka filluar karrierën si ndihmës komisionere e Avokatit të Popullit dhe prej vitit 2007 punon si këshilltare ligjore në Gjykatën Kushtetuese.

Komisioni i Pavarur i Kualifikimit ka zhvilluar një seancë dëgjimore me 8 shkurt 2018, me subjektin e rivlerësimit Elsa Toska, të cilën sot e konfirmon në detyrë.