Kreditë me probleme – BSH: Masa rregullative konkrete

Banka e Shqipërisë ka tashmë gati disa masa rregullative që synojnë përshpejtimin e uljes së kredive me probleme përmes ristrukturimit të borxhit jashtë gjykatës.

Burime nga BSH-ja bëjnë të ditur se, plani i detajuar për kompanitë me probleme nis me miratimin në Kuvend të projektligjit të ri të falimentit, i cili është depozituar për shqyrtim.

Plani synon të jetë finalizuar në fund të këtij viti, nëse ligji i ri për falimentin do të mund të hyjë në fuqi para vjeshtës.

Ligji i ri i falimentit lejon miratimin e përshpejtuar të planeve të riorganizimit, dhe siguron mbrojtjen më të lartë mbi të drejtat ekonomike dhe qeverisëse të kreditorëve të siguruar dhe të pasiguruar.

Huat me probleme kanë shënuar një tjetër rritje në muajin prill, duke u ngjitur sërish në nivelin e 20%, ndersa në mars, ky tregues ishte 19.3%