Kush është ish-futbollisti i Milanit që dikur mundi Shqipërinë dhe sot është në stafin kuqezi

Një emër që ndoshta pak tifozë do ta kishin menduar i është bashkuar stafit teknik të Shqipërisë, raporton Top Channel. Bëhet fjalë për polakun Bartosz Salamon, i cili dikur ka qenë në krahun kundërshtar të kuqezinjve.

Historia vjen nga prapaskenat e Kombëtares shqiptare: në stafin teknik të kuqezinjve është bashkuar një emër që në të kaluarën ka qenë kundërshtar i Shqipërisë, madje në një nga ndeshjet e para të epokës Sylvinho. Salamon është ish-qendërmbrojtës polak dhe gjatë karrierës së tij si futbollist ka veshur edhe fanellën e Milanit.

Tifozët shqiptarë mund ta kujtojnë nga 27 marsi 2023. Në atë datë, ai ishte pjesë e Polonisë në përballjen me Shqipërinë në Varshavë, ndeshje që shënoi debutimin e Sylvinhos në stolin kuqezi dhe përfundoi me fitoren 1-0 të vendasve.

Kështu, ish-kundërshtari i Shqipërisë, që dikur tentonte të ndalte sulmet e kuqezinjve në fushë, është tashmë pjesë e strukturës së Kombëtares.