Lajçak: Diskutuam një listë të gjatë të çështjeve, dialogu vazhdon

I prita në Bruksel kryenegociatorët e Kosovës, BislimiBesnik dhe Serbisë, Petar Petkoviq. Diskutuam një listë të gjatë të çështjeve të dialogut duke filluar me zbatimin e Marrëveshjes së 27 shkurtit dhe de-përshkallëzimin në veri. Diskutimet do të vazhdojnë edhe në periudhën e ardhshme”, deklaroi Lajçak në Twitter.

Ndryshe në takimin e sotëm në Bruksel, janë diskutuar katër tema: Planin e sekuencimit të Marrëveshjes bazë; Termat e referencës për monitorimin e Marrëveshjes bazë; Është diskutuar për zbatimin e Deklaratës për personat e pagjetur dhe; Për Marrëveshjen për energjinë.

Kujtojmë se në takimin e të mërkurës, Lajçak ka takuar ndaras dy kryenegociatorët.

Sipas zëvendëskryeministrit të Kosovës, Besnik Bislimi, sllovaku kishte vendosur që sot të mos ketë takim trepalësh.

“Ka qenë si duket qëndrim i Lajçakut që në këtë moment, takimi trepalësh jo domosdo do të kontribuonte në finalizimin e dokumenteve, sepse mendon që ka ende nevojë për koordinim shtesë para se kjo të ndodhë, madje edhe ka ide që plani i sekuencimit kërkon takim të nivelit të lartë”, tha Bislimi.