Lea Ypi publikon foton nga protesta e 11 në Tiranë: Shumë krenare…

Akademikja dhe shkrimtarja shqiptare Lea Ypi ka shprehur edhe një herë mbështetjen e saj për protestat që po vijojnë në Tiranë.

Përmes një publikimi në rrjetet sociale, Ypi ndau një foto nga grumbullimi i qytetarëve në kryeqytet, ku mijëra protestues shihen të mbledhur përballë Kryeministrisë. Krahas imazhit, ajo zgjodhi të përcjellë një mesazh të shkurtër, por domethënës: “Shumë krenare”.

Postimi i saj u shoqërua me këngën “Dua më shumë Shqipërinë”, duke tërhequr vëmendjen e ndjekësve dhe duke u komentuar gjerësisht në rrjet.

Reagimi i autores vjen ndërsa protestat vazhdojnë prej më shumë se një jave, me pjesëmarrje të konsiderueshme qytetare dhe aktivitete të përditshme në rrugët e Tiranës.