Lojtari i lumtur pas transferimit te Barcelona: Tnai nis karriera ime e vërtetë

Pavarësisht një rivaliteti të mundshëm në tregun e transferimeve dhe në fushë, Marcus Rashford i ofroi këshilla dhe njohuri të vlefshme rreth Barcelonës shokut të tij të ekipit ndërkombëtar Anthony Gordon, i cili së fundmi iu bashkua klubit “blaugrana” nga Newcastle për rreth 80 milionë euro.

Ardhja e Gordon ka ngritur dyshime të reja për të ardhmen e Rashford, që luajti sezonin e kaluar i huazuar te katalanasit. Ish-lojtari i Newcastle dha një intervistë për talkSPORT: “Marcus më tregonte sa fantastikë janë djemtë atje, frymën e ekipit që kanë, të cilën e kisha dëgjuar nga mjedisi i Barçës”.

“Kështu që, mezi pres t’u bashkohem atyre. Ai më tregoi gjithashtu për qytetin dhe vendet për të jetuar. Është një djalë i mrekullueshëm, shumë i kujdesshëm. Ai thjesht po më jepte disa informacione“, tha Gordon.

Lidhur me transferimin te Barça, ai shtoi: “Kanë qenë dy javë paksa kaotike, por dy javët më të mira që unë dhe familja ime kemi pasur ndonjëherë. Ishte vërtet bukur sepse u thashë që në moshë shumë të re se do të arrija deri në këtë pikë.”

“Nuk jam i kënaqur vetëm duke luajtur për Barcelonën. Dua të fitoj gjithçka“, deklaroi sulmuesi, që më tej shtoi: “Në mendjen time, karriera ime po fillon tani. Pra, jam në fazën që gjithmonë thoja se do të arrija. Tani duhet ta çoj në nivelin tjetër.”