Londra do të rimbursojë borxhet e Luftës së Parë Botërore
Britania e Madhe do të rimbursojë të gjitha borxhet e veta të Luftës së Parë Botërore, ose 1,9 miliardë sterlina (2,4 miliardë euro), njoftoi sot qeveria.
“Ne mundet, më në fund, të paguajmë borxhet e kontraktuara për të luftuar gjatë Luftës së Parë Botërore”, njoftoi ministri i Financave, George Osborne.
“Është shenja e kredibilitetit tonë buxhetor dhe është gjithashtu një aferë e mirë për tatimpaguesit aktual”, garantoi ai.
Qeveveri në fakt do të përfitojë nga nivelet shumë të ulta për të financuar borxhin e saj në tregje.
Më shumë se 120 mijë persona kanë dhënë hua që daton në këtë epokë, dhe do të kontaktohen që të rimbursohen.
Sipas vlerësimeve zyrtare, Britania e Madhe ka paguar që prej vitit 1917 rreth 5,5 miliardë sterlina interesa mbi borxhet që datojnë nga Lufta e Madhe.
Vendi do të rimbursojë gjithashtu kreditë që datojnë që prej shekullit të XVIII. Vendi në atë epokë hyri në borxhe të thella menjëherë pasi shpërtheu në vitin 1720 një flluske spekulative që në histori njihet si Flluska e Detit të Jugut.
Qeveria kishte deklaruar në tetor rimbursimin e borxheve antike, por për shuma shumë më të vogla se sa ato të shpallura sot.
