Politika
Lu: Ku janë rezultatet kundër krimit e korrupsionit?
Përmes një komunikimi të shkurtër në faqen e Facebook të ambasadës së SHBA, ambasadori Lu kërkon një përgjigje nga politikanët, policët dhe prokurorët e vendit: Ku janë rezultatet?
Ambasadori amerikan Donald Lu u ka dërguar një mesazh publik politikanëve, policëve dhe prokurorëve, të cilëve u rikujton zotimin përpara popullit shqiptar dhe partnerëve ndërkombëtarë, për të luftuar krimin e organizuar dhe korrupsionin.
“Ne investuam në burimet për t’ju ndihmuar. Ku janë rezultatet?”, pyet Lu në mesazhin e postuar në faqen në Facebook të Ambasadës Amerikane. Ai thekson se Populli shqiptar do që t’i jepet fund pandëshkueshmërisë.
“Komuniteti ndërkombëtar kërkon rezultate konkrete përpara vendimeve të rëndësishme këtë pranverë”, nënvizon Donald Lu. Si për të theksuar kohën që po kalon, ambasadori mbyll reagimin e tij me me tik-takun e orës.
