Luis Enrique vlerëson Arteta: Solli mentalitet fituesi tek Arsenal, e meritonte titullin në Premier League

Trajneri i PSG, Luis Enrique, e përgëzoi bashkëkombësin e tij Mikel Arteta për fitimin e titullit të Premier league. Skuadra e Arsenal u ngjit në majë pas pritjes 22-vjeçare, ndërkohë që dy ekipet do të përballen me 30 maj në finalen e Champions League.

“Arsenal e meritonte të fitonte Premier League pas një sezoni të shkëlqyer. Trajneri Arteta solli një mentalitet fituesi tek Arsenal. Ata janë përmirësuar vit pas viti gjatë katër ose pesë sezoneve të fundit“, tha Luis Enrique.

“Ne i kemi përballur ata më parë dhe e dimë aftësinë e tyre për të shënuar. Pa topin, ata janë skuadra më e mirë në botë, pa dyshim”, shtoi më tej spanjolli për patriotin e tij, deklaratë që vjen 10 ditë para finales së madhe.

Trajneri I ekipit francez më pas shpjegoi se efektiviteti i “Topçinjve” në goditjet standarde nuk i shkakton atij ndonjë makth përpara finales: “Do të përpiqemi të mbrohemi si zakonisht”.

“Jemi një skuadër e vogël për sa i përket gjatësisë, por mbrohemi mirë në goditjet standarde. Loja zgjat 90 minuta dhe janë shumë faktorë që vendosin një finale të tillë”, tha Luis Enrique.